Құрметті Қарағанды облысының тұрғындары!
Қарағанды облыстық тарихи-өлкетану музейі Қазақстан Республикасы Президенті Н.Ә.Назарбаевтың «Нұрлы жол» халыққа жолдауын жүзеге асыру шеңберінде Қазақ хандығының 550 жылдығына орай «Мәңгілік елге тарту» акциясын жариялайды. Музей өтінішпен қарағандылықтардан және қала қонақтарынан, сонымен қатар мекемелер мен кәсіпорындардан «Қазақ хандығынан – Тәуелсіз Қазақ еліне дейінгі кезеңнің» заттарымен музей экспозициясын келесі жәдігерлермен толықтыруға ат салысуды сұрайды: этнографиялық еңбек құралдары мен қару-жарақтары, тұрмыстық бұйымдар мен ыдыс-аяқтар, құжаттар мен көне кітаптар, мадақтамалар мен фотосуреттер және басқа да әр жылдарға жататын түрлі заттар.
Музейге тапсырылған заттар акция аяқталғаннан көрмеде және экспозицияда көрсетіледі.

Акция 2015 жылы бойы өтеді.

Мекен-жайымыз: Қарағанды қ.,Ерубаев к-сі,38.
Тел.:56-58-89; 30-11-36; 56-45-63
Азаматтарға алдын-ала алғыс айтамыз!

2014 жылы Қарағанды облыстық тарихи-өлкетану музейі өзінің кезекті маусымдық-далалық жұмыстары нәтижесінде Қарағанды облысы, Қарқаралы ауданы, Томар ауылдық округіне қарасты Айыртас, Естек қорымдарына археологиялық, ғылыми-зерттеу жұмыстарын жүргізген болатын. Қазба барысында ерте темір дәуіріне жатанын 5 қорған зерттелді. Нәтижесінде 10 әртүрлі пішіндегі моншақтар, тұтқалы қола айнаның сынықтары, үшқанатты қола жебенің ұшы, қыш құмыраның сынығы, 2 алтын әшекей, сонымен қатар ограникалық қалдықтар: арқанның үзігі, мата, қорамсақтың қалдығы табылды. Сонымен қатар, Бұқаржырау ауданы, Үміткер ауылдық округіне қарасты Үлгі ауылының маңындағы Қарақойтас қорымының үш қорғаны зерттелді. Қазба барысында қола дәуіріне, ерте темір дәуіріне, түрік кезеңіне жататын 3 қорған зерттелді. Нәтижесінде қола дәуіріне жататын алтын сырғаның салпыншағы, қыш ыдыстардың сынықтары, ортағасырлар дәуірі, түрік кезеңіне жататын ат-әбзелдерінің бұйымдары үш түрлі жапсырмалар, әшекейленіп, оймышталып жасалған сүйектер, тас бойтұмар, темір үзеңгі т.б. табылды. Ғылыми-реставрациялық жұмыстарды жүзеге асыру барысында Қарағанды облысы, Ақтоғай ауданы, Алданазар, Әзімбай мазарларына қайта жөндеу жұмыстарын жүргізді. Бөлім қызметкерлері «КМҚК Тарихи-мәдени мұраларды сақтау орталығымен» тығыз байланыс орнатып, далалық жұмыстарға барынша атсалысуда.